هايم في هواكم
11-18-2007, 02:18 AM
أنتقل الى رحمه الله أخوي الغالي (مشعل ) الاسبوع الماضي أثر حادث مروري
أليم وهذا ماجادت به النفس حزنــا والما على فرقاه .. ويعلم الله أن ماخفي أعظم
أسال الله له الرحمه الواسعه والجنه الوارفه .. وأن ينزله الله فى أعلى مقام في
جناته العظّام .. وأن يغفر ذنوبه ويبدلها حسنات ويرحمه أنه أرحم الراحمين ..
::
الايالله مـن علـمـن لفـانـي = صباح السبت في قلبي كوانـي
الا ياطول حزني فـي غيابـك = والا ياشيب عيني من زمانـي
الايالله مـن نـارن بجـوفـي = لهبها يصطلي بيـن المحانـي
والا يالله مـن حزنـن بعينـي = الا مني لمحت الـزول جانـي
الا مني نظرت بمـوق عينـي = أشوفك يابعـد عينـي ثوانـي
وتغيب الصورة اللي فيك شفته = ويهل الدمع من عيني عمانـي
وتغيب الروح عن كل البرايـا = وأعيش بلوعـه الآه واعانـي
وأحس الموت يدني من خفوقي = وأقول الموت مع مشعل أماني
وأفيق أبلا شعور بصوتي أدعي = وأردد بأسم مشعل في لسانـي
الاياناس مشعـل ويـن قفـى = انا ماني مصدق علـم جانـي
انا والله فـي عينـي أشوفـه = وأحس بصوت مشعل في أذاني
أحسه ينتخـي بأسمـي يلبـي = يقول أبشرك بعـزك مانسانـي
هذاك أخوي مايومن هجرنـي = ولافي يوم أذكر هـو جفانـي
هذاك اخوي عزي تاج راسـي = شجاعٍ ماعرف ذل وهوانـي
هذاك أخوي طيب في خصالـه = عفيف النفس في كل المعانـي
عفيف النفس عن كل المعاصي = ورضي للوالدين وكـل دانـي
تسابـق خطوتـه مـده يمينـه = بدرب الخير سابق كـل ثانـي
شهاده حق فـي قولـي أعـده = وعلى ماأبديت ربي هو يراني
الايالله رحـمـاك وجـلالـك = تصبرني على همـن طوانـي
أخوي اليوم في عيني أشوفـه = ماكن الموت عن شوفه حداني
الايالله فـي حكمـك رضينـا = وبحمد وشكر نوفـي بأمتنانـي
ورضينا بالقدر لو كان قاسـي = وسجدنـا للالـه أبـلا توانـي
وطلبنا رحمتك يـارب تنـزل = على قبرن يضم أغلى أخوانـي
الا يالله أغفـر كــل ذنـبـه = وبـدل كـل ذنبـه بالحسانـي
والا يالله وسـع فـي مكـانـه = وعظّم منزله بأعظّـم مكانـي
والايالله يـاربـي دعـيـتـك = ولاغيرك دعيت انسـان ثانـي
أنك تجمعن مـع كـل مسلـم = مع مشعـل بجنـات العدانـي
كُتبت في 7/11/1428هــ ..
أليم وهذا ماجادت به النفس حزنــا والما على فرقاه .. ويعلم الله أن ماخفي أعظم
أسال الله له الرحمه الواسعه والجنه الوارفه .. وأن ينزله الله فى أعلى مقام في
جناته العظّام .. وأن يغفر ذنوبه ويبدلها حسنات ويرحمه أنه أرحم الراحمين ..
::
الايالله مـن علـمـن لفـانـي = صباح السبت في قلبي كوانـي
الا ياطول حزني فـي غيابـك = والا ياشيب عيني من زمانـي
الايالله مـن نـارن بجـوفـي = لهبها يصطلي بيـن المحانـي
والا يالله مـن حزنـن بعينـي = الا مني لمحت الـزول جانـي
الا مني نظرت بمـوق عينـي = أشوفك يابعـد عينـي ثوانـي
وتغيب الصورة اللي فيك شفته = ويهل الدمع من عيني عمانـي
وتغيب الروح عن كل البرايـا = وأعيش بلوعـه الآه واعانـي
وأحس الموت يدني من خفوقي = وأقول الموت مع مشعل أماني
وأفيق أبلا شعور بصوتي أدعي = وأردد بأسم مشعل في لسانـي
الاياناس مشعـل ويـن قفـى = انا ماني مصدق علـم جانـي
انا والله فـي عينـي أشوفـه = وأحس بصوت مشعل في أذاني
أحسه ينتخـي بأسمـي يلبـي = يقول أبشرك بعـزك مانسانـي
هذاك أخوي مايومن هجرنـي = ولافي يوم أذكر هـو جفانـي
هذاك اخوي عزي تاج راسـي = شجاعٍ ماعرف ذل وهوانـي
هذاك أخوي طيب في خصالـه = عفيف النفس في كل المعانـي
عفيف النفس عن كل المعاصي = ورضي للوالدين وكـل دانـي
تسابـق خطوتـه مـده يمينـه = بدرب الخير سابق كـل ثانـي
شهاده حق فـي قولـي أعـده = وعلى ماأبديت ربي هو يراني
الايالله رحـمـاك وجـلالـك = تصبرني على همـن طوانـي
أخوي اليوم في عيني أشوفـه = ماكن الموت عن شوفه حداني
الايالله فـي حكمـك رضينـا = وبحمد وشكر نوفـي بأمتنانـي
ورضينا بالقدر لو كان قاسـي = وسجدنـا للالـه أبـلا توانـي
وطلبنا رحمتك يـارب تنـزل = على قبرن يضم أغلى أخوانـي
الا يالله أغفـر كــل ذنـبـه = وبـدل كـل ذنبـه بالحسانـي
والا يالله وسـع فـي مكـانـه = وعظّم منزله بأعظّـم مكانـي
والايالله يـاربـي دعـيـتـك = ولاغيرك دعيت انسـان ثانـي
أنك تجمعن مـع كـل مسلـم = مع مشعـل بجنـات العدانـي
كُتبت في 7/11/1428هــ ..