اهاااااااااااااااااااااات يسببها الفراق..............؟

[سلطان بن سلمان العطار]

السلام عليكم
ومساكم الله بالخير والمسرات
يمكن هالمشاركه مفضوحه لاكن قلة افضفض وخاصتن لمى اخوي ملك قد هلك
لقيته حاطلي باحد المواضيع كلمه يقول فيها وين جديدك
واقوله استلم جديدي

=ابحرت في بحرن به حروف واوزان
=وامواجه الزرقى بحبـري تجينـي
=هاج البحر ينثر مع اللـول مرجـان
=وينثر مع المرجان وزنـن ثمينـي
=جزل المعاني وثق المهر بحصـان
=وكـد هـداد الخيـل هـد اليمينـي
=هد الحصان الي به العنـق بـرزان
=موكـدن بالسـاس ملـك الفطينـي
=ابن الكرام الي علـو عالـي الشـان
=باخر زمن دنيـاه عـض السنونـي
=الوالد الـي يجـرع الضلـم بهتـان
=حال الزمن بالضيم دونـه ودونـي
=صكو عليه السجن وللبـاب سجـان
=وعيو علا عفو الملـك ماعطونـي
=سمن عطوني وشارب السم سلطـان
=سمن به المسموم وسـط السجونـي
=سم الفراق الي بـه العيـن تنهـان
=من قلـة الفـزاع ربعـي نسونـي
=ياخال ابوي بداخل السجـن حيـران
=ينشد عن العربـان ويـن العوينـي
=وين العزيز الي شرا الـدم بحسـان
=يفـزع لبـوي بتهمتـه ضالمينـي
=وياعم تكفى يشعـل الضلـم نيـران
=مثل الغضى يحرق حلاوي سنينـي
=رجالكم يضلم ولا جـاه مـن عـان
=ماجاه منهـو قـال جيتـك معينـي
=ومن بعدكم بنخى طليقيـن الايمـان
=ال السعـود الـي تفـك السجينـي
=الـي لهـم عـزه وللمجـد عنـوان
=هـم الفـرج لازاد هـم الحزينـي
وسلامتكم
وعلا فكره
لي خال وعم
لهم معروف ماينسي
وافتخر بهم
وبكل عمامي وخوالي
واخص خالي سلمان ابو خالد وعمي عوده ابو عيد

=مابعد وقفات ابو خالد مواقيف
=ولا غير عوده بالمراجل تثنا
وهذه الكلمه مرسله مني لرحيمي
ابن مطلق

=يابن مطلق نسجـة حـروف
=من خاطـري دون ماوزنهـا
=يالصاحب الي قرا المضروف
=بعـد التحايـا لفـى منـهـا
=ابيات تشبـه علـم مرفـوف
=رف العنـا مـع هبايبـهـا
=جورن لفاني علا المكشـوف
=والزمـل تعـرف مراسنهـا
=ترخيص غالي خزى وكسوف
=لـبـوي ثـمـن معادنـهـا
=جيشن تراصف تصف كتوف
=مع صوت ذعـذاع راكبهـا
=ترزم رزيمن يشق الجـوف
=راعـي الجريـده مطالبهـا
=عليه حنـة بكـاره شـوف
=عقب البطـا غـاب ماكنهـا
=تذكر يدينـه عليهـا كلـوف
=من خـوف تقـوي معالفهـا
=شال المعاني رهيف سيـوف
=لـه جايـر الوقـة قدمـهـا
=ماكن عوده شجـر وقطـوف
=وموكـد العـرق زارعـهـا
=واخر حصاده حريقت جوف
=وسط الحنايـا جمـر منهـا
=يحرق ضميري لهيب حروف
=يوم العـرب غـاب ماكنهـا
=حال الرعايـا بـلا مكلـوف
=بالوصف هو ثـوب لابسهـا
=ودمعن تسايل غدا مـذروف
=ولدمـع منـديـل كفنـهـا
وسلامتكم
وهذه للوالد اقوله فيها

=ياما كثيـر مـن اليالـي تعنيـت
=لاكن ماهو بهالون شفـت المذلـه
=يابوي انا في داخل البيـت ونيـت
=محدن درى في داخل القلـب علـه
=ويابوي انا من هجرك اليوم عانيت
=مثل الغريب الـي حمولـه تكلـه
=ويابوي سالت دمعت الحزن هليت
=دمعي بحروف الشعر صاطي محله
=ابيك تمسح دمعتـي وان تخليـت
=اخر زيارة عطـف منـك تهلـه
=مرت سنين بضحكتـك ماتهنيـت
=مدري علا مك بالجفا زدة حملـه
=واختم كلامي والرضا منك ياليـت
=ترضى عن الي بالشقى شاف ضله
=ابيك ترضى بالرضى من ترضيت
=سيف الغضب يابوي لا لا تسلـه
وسلامتكم
وهذه الكلمه وانا مروح من نيال
وقة الربيع انا وابوي
وخوي لي معي
واقول فيها

=شحة ضروف الوقة واتغير الحـال
=وتغيـرت دنيـاي ياكيـف مـدري
=شفة الزمان الي علا الطيب له فـال
=يشره عليه اهل العقـول الـدواري
=الي اليا دريو عـن العلـم بالحـال
=طارو كما طيرن ليا طـار بـدري
=اقفو وخلوني عـلا الحمـل حمـال
=مدري ردى مني او البيـت يـدري
=من اقصى الجماعه لقرب العم والخال
=كلن تخلـى يـوم بالبيـت هـدري
=علمن نقلتـه واثبـت اعلـم باثقـال
=شوف الزوم بعينهـم كـان يطـري
=هذى زمان البيـن لا عـم لا خـال
=لا عزوتن فيها السند كيـف نسـري
=هذا وانا روحـة مـن راس نيـال
=في رفقت الـي للمواجيـب يجـري
=واخذت اقلبهـا عـلا كـل مكيـال
=وعيت موازين القـدر دون عـذري
=حاولت اعاتب بالعزيزيـن ياخـال
=وزاد العتب ياعـم بالغبـن تـدري
=تدري عن الوالد به الحال هو مـال
=مال البخت ياعزوتي ضاق صدري
وسلامتكم

=يابوي في نفسي طو ى الوقة هاجوس
=واحرق خفوق القلب جمـرن كواهـا
=ويابوي بالضيقه ترا الوقت داسـوس
=يخفـي معالـم بالخـفـا مالقـاهـا
=قمرى ليالي تنعكس دمس ودمـوس
=ضاعة معالم صبحهـا فـي مساهـا
=يمشي بها الجاهل تلا الوقة بـدروس
=درسن يصر القلب ودرسـن شقاهـا
=دنين بها العاقل مع الوقـة محبـوس
=يجمع شتات الفكـر شيـن غشاهـا
=من عبرتن بالقلب تصفق لهاجـوس
=لا هوجست يابـوي شيـن دهاهـا
=هذى جوابي والعتب منـك ملمـوس
=يالي رضـاك بدنيتـي هـو مناهـا
الحمد لله ماني غضيب لاكن
اتمنا اني قدرت اوفيه ربع حقه ولاكن تجري الرياح بمى لا تشتهي السفن
وهذه الكلمه للاخ
عبدالله عباطه العطيات العطوي
وهي بليله من اليالي شاف اني مو مركز او بالاحرى مو مرتاح
وقام ئلني كيف حالك
وكان ليلتها مطر ومتهيض معه
عمومن لكم الكلمه حتا هو مادرى عنها للان
قام يذكرني بحصان كان عنده ويدري اني اعرف الحصان الي اسمه طلقان
وجت عاد هالهشه
واتمنا اني ماعكيت فيها

=يامن ذكر طلقـان جتـك القصيـده
=بعدولهـا وزنـن وللقـاف ميـزان
=وحمولهـا بالخـرج جملـه مفيـده
=تعطي تمام القول مـن دون نقصـان
=ملجمـات الخيـل تبـقـى عنـيـده
=تصهل تجامح لابـدى كـل ميـدان
=ولبو عباطـه والسبـق هـو يريـده
=طير السعد عبدالله الطيـر حـوران
=ولاهي مجامل ياعرب هي قصيـده
=ليلة مطر ينشد عن احـوال سلطـان
=قلـة استمـع للقـول منـي فريـده
=عبره وهي ترقص علا ضلوع ولهان
=جاك الجواب فـراق منهـو نريـده
=فرقى بفرقى عيشت البيـن يافـلان
=ولاهي غزل عبرات راعي الجريـده
=فرقى الغزل ماهي من الهم حسبـان
=مير البلا لا صـار شملـك فقيـده
=ابوك ولا من هـل الـدار بحسـان
=قرمن علا رجـواه ضيـع عضيـده
=مشيه تهكـع لا مشـى دون سلمـان
=هيض ضميري بن عباطـه وقيـده
=مثل الهب فوق العلم فـوق بـرزان
=ساسه من رجال العرب هو رصيـده
=وفعل المراجل لنطلق مثـل طلقـان
=جـواده التقديـر وخيلـه تـزيـده
=بالمرجله يكفيك مـن نسـل فرسـان
=فارس ولـه بالخبـل عـده عديـده
=شوفي وقولي واثبت القـول برهـان
=واليا ختمـت القـول مانـي بعيـده
=من ردد الكلمه علا السمـع غلطـان
وسلامتكم

[روقهــ وتروقـ_.]

ونعم فيك وفي ملك قد هلك وفي خوالك وفي اعمامك
وفي ابن مطق وفي خويك
وصح لسانك

والحقيقه ياابن عطار انا نفخر فيك كلنا وننتظر جديدك بكل لهفه
وكل يوم افتح القسم هذا ادور جديدك

والله يجعلك على القوه
وعوافي ان شاء الله وترى الدنياء ماتستاهل بالحيل

ومازلت هنا اقراء

[سلطان بن سلمان العطار]

هلابك روقها وتروق

علا قولتك الدنيا مو محرزه لئنها ممر يوصلنا .........

واشكرك جزيل الشكر علا مرورك واهتمامك


ادامه الله وادامك بافضل حال

[حَبر في ثلج]

صح لسانك ياسلطان

وعلى شانك ... ويعطيك العافيه

مختارات من روعة قلمك كانت هي الاجمل


سيتم نقلها لقسم الشعر الخاص بها


تقديري لك يالغالي
والله لايحرمنا من قلمك وهمسات حسك الصادق

|[/grade]|

[سلطان بن سلمان العطار]

هلابك اخوي ملك


وصح كلك

وعلا قولت القايل مالضيف غير راي المعازيب

والله يعطيك العافيه


والف شكر لمرورك واهتمامك


ادامه الله وادامك بافضل حال

[الخاطر]

ياهلا ومراحب باخوي سلطان العطار.
والله والنعم والف مليون نعم براعي القصيده المادح والممدوح.
كفيت ووفيت وانشالله الاجواد مثلك اخوي ماهم غضيبين والدين.الله يطول بعمره انشالله ويفرجها ربك الكريم اللي ماخاب من ارتجاه.
ومابعد الضيقه الا الفرج.
ربك كريم ربك كريم.
تقبل تحياتي اخي العزيز
اخوك الخاطر

[سلطان بن سلمان العطار]

هلابك

يالخاطر


ونعم بالله


والامل بالله لا يمكن يخيب

والحمد لله

متاملين بالله خيرا


واشكرك جزيل الشكر علا اهتمامك وحظورك

ادامه الله وادامك

[ČấŗàḿέŁ]

<<<<<<<<< مدري احس مالي مكان

صح لســـــــــــانك سلطان ويعطيك العــــــــــافيه

[سلطان بن سلمان العطار]

كيف مالك مكان

معليش مافهمتك


وصح الله بدنك وعمرك والله يعافيك

ولك جزيل الشكر علا مرورك


ادامه الله وادامك بافضل حال