يلعن ابو رجلٍ يذله هوى بنت

[الجارح]

ياللي بأساليب الخيانه تفننت
وش رجعك عقب الجفا والقطاعه؟؟
فارق عيوني وابعد ارجوك لاهنت
دامك تصنعت المشاعر صناعه
لعبت لعباتك بتمثيل واتقنت
وألفت كذباتك بفن وبراعه
وخليتني بالنار يومك تمكنت
وقعدت ادوّر في هواك الشفاعه
لآن الحجر من حالتي وانت مالنت
لأني اعطيتك غلا عن قناعه
ساويتك بروحي ومن قلبي احسنت
وزرعت حبك في ضميري زراعه
غدرت بي واخلفت ضني بك وخنت
وخذيت حبي لك مجرد اشاعه
لاتقول ابرجع بالهوى مثل ماكنت
ضاع الهوى وانت السبب في ضياعه
يوم اني اسهر بالغرابيل وين انت؟؟
يوم اتحرى جيتك كل ساعه
ياللي مع الأيام ضدي تلونت
يامن تفنن في وسايل خداعه
بك من تواصيف الغدر لاتمسكنت
كنه اخوك من الصدر والرضاعه
يالمعدن اللي حكك الوقت بيّنت
بيّن صداك اللي خذيته بضاعه
ربتني الدنيا على يديك وايقنت
ان ماكل من يطمح طموح استطاعه
اليوم عقب اللي جرالي تمعنّت
والحر بعيونه يبين انطباعه
كانك مع العاذل وهمي تعاونت
عندي شهاده بالصبر والشجاعه
وان كانك اسلوب التحدي لي اعلنت
من عافنا يحرم علينا اتباعه
واللي معي صادق بعيني له اسكنت
عندي عن اسلوب الخيانه مناعه
تدري؟؟ مدامك للهوى اليوم ماصنت
اقولها بوجهك وكلّي قناعه
يلعن ابو رجلٍ يذله هوى بنت
إذا تخلى لأجلها عن طباعه

[تبوك الورد]

الجــــــــــــــــــــارح


هنا نثرت رسالتك الرائعه

لتترتب و كأنها عذوبة الماء

أخذت كل كلمة و وضعت لها رحله


فمابين لهفه و أنتظار

تعددت و قفاتنا مع نغمات الكلمة و الحرف

و جمال المعنى الأنيق و رهافة الحس

فأين ياتُرى سنحط رحالنا معك في المرات القادمة



أخي

كلما أمسكت هذا القلم

تتوقف كل المشاعر و الأحاسيس التي بداخلي

تتوقف كل اللحظات التي تراودني

لا أعلم لماذا تتوقف هذه الاحاسيس

هل لأنه لاتوجد من تستحق هذه المشاعر و الأحاسيس ؟

ام أن هذه المشاعر لاتوازي أو أقل من عشقي و حبي ؟



تقبل فائق أحترامي و تقديري

دمت بخير

[قمورهـ]

صح لسانك اخوي
يعطيك ألف عافيه
دمت بود
تحياتي
قلبووووووو

[الجارح]

اشكرك اخوي تبوك الورد على هذا التعبير
اما هل لايوجد من يستحق بالعكس كثير


ولاكن الموضوع يعبر عن شخص بحد
ذاته فقط




دمنت بخير

[السفيـــــر]

يسلموووووووووووو انااااااااااااااااااملك اخوي الجارح والله انك ابدعتنا بمواضيعك الجميله واقول لك الى الامام اخوي انت مبدع دائما فلا تحرمنا من ابداعاتك الجميله والمفيده فى هذا المنتدى

اتمنا منك المزيد والمزيد

[النــــــادر]

تسلم اخوي الجارح


وصح السانك


ونتمنا منك المزيد



دوام للامام

[جورية]

صح لسانك اخوي قصيده اكثر من رائعه