أعـيـش بـعـالـم الـجـن !!

[خالد الردادي]

نشف ريق السراب.. ولا ملت عين الطريق خطـاه
قسـا طيـن الكـلام ولاقسـا..زاد البلـل طينـه
شرب مر السكوت من الحروف اللي تبـي تقـراه
وسجد كفر القصيد لدفتـري ليـن اعتنـق دينـه
غرقت اكتب كـلام مانجيـت الا ..عشـان اقـراه
ونجيت اقـرا عـذاب ماغرقـت اكتـب عناوينـه
ترا هذا الصواب اللي خطاه ان الصـواب اخطـاه
وانا هـذا الصويـب اللـي خطـاك انـك تحبينـه
انا هذا الحضـور اللـي غيابـه ماعـرف يلقـاه
واناذاك الغياب ..اللـي حضـوره ماعـرف وينـه
انا ذاك البعيد اللي يموووت..! ولايعيـش اقصـاه
واناهـذا القريـب اللـي مبعثـر بينـه وبيـنـه
انا (صوت السكون) اللي سمع غنج الصدى واغواه
بكى حتى. بكى حتى . بكى. مـن حسرتـه عينـه
عسى صبح الوضوح ليا سرى ليل الغموض وتـاه
يجي مثل الضرير اللي يمد الشـوف.. بيدينـه..!!
ذكرت اني نسيت اذكر كـلام..! مانويـت انسـاه
ولكنـي ذكـرت انــك.. نسيـتـي ماتعرفيـنـه
انـا مـن معشـر الانـس الاوادم.. اولـيـاء الله
واعيش بعالم:...(الجـن تعّـوذ مـن شياطينـه)
نشف ريق القصيد ولا نشف ريقه شـرب معنـاه
سقا طين الكلام.. ولا بعد هذا القسـا طينـه..!!!

[هـيـبـة مـلـك]

فديتك وفديت الجن إللي تعيش معهم ,, صح لسانك مليار يالمعجزهـ

الله الله عليكـ :

شرب مر السكوت من الحروف اللي تبـي تقـراه
وسجد كفر القصيد لدفتـري ليـن اعتنـق دينـه


الله عليك يالقرم :

واناذاك الغياب ..اللـي حضـوره ماعـرف وينـه
انا ذاك البعيد اللي يموووت..! ولايعيـش اقصـاه


أنت جني الشعر بأختصار :


انـا مـن معشـر الانـس الاوادم.. اولـيـاء الله
واعيش بعالم:...(الجـن تعّـوذ مـن شياطينـه)

[حَبر في ثلج]

اي والله صح لسانك ياخالد

ويعطيك العافيه يالغالي

قصيده رائقه
كل الود لك

[فهد المريخي]

صح لسانك يالمبدع

[روقهــ وتروقـ_.]

صح لسانك وعلا شانك يالذيب

[الخاطر]

نشف ريق السراب.. ولا ملت عين الطريق خطـاه
قسـا طيـن الكـلام ولاقسـا..زاد البلـل طينـه
شرب مر السكوت من الحروف اللي تبـي تقـراه
وسجد كفر القصيد لدفتـري ليـن اعتنـق دينـه
غرقت اكتب كـلام مانجيـت الا ..عشـان اقـراه
ونجيت اقـرا عـذاب ماغرقـت اكتـب عناوينـه
ترا هذا الصواب اللي خطاه ان الصـواب اخطـاه
وانا هـذا الصويـب اللـي خطـاك انـك تحبينـه
انا هذا الحضـور اللـي غيابـه ماعـرف يلقـاه
واناذاك الغياب ..اللـي حضـوره ماعـرف وينـه
انا ذاك البعيد اللي يموووت..! ولايعيـش اقصـاه
واناهـذا القريـب اللـي مبعثـر بينـه وبيـنـه
انا (صوت السكون) اللي سمع غنج الصدى واغواه
بكى حتى. بكى حتى . بكى. مـن حسرتـه عينـه
عسى صبح الوضوح ليا سرى ليل الغموض وتـاه
يجي مثل الضرير اللي يمد الشـوف.. بيدينـه..!!
ذكرت اني نسيت اذكر كـلام..! مانويـت انسـاه
ولكنـي ذكـرت انــك.. نسيـتـي ماتعرفيـنـه
انـا مـن معشـر الانـس الاوادم.. اولـيـاء الله
واعيش بعالم:...(الجـن تعّـوذ مـن شياطينـه)
نشف ريق القصيد ولا نشف ريقه شـرب معنـاه
سقا طين الكلام.. ولا بعد هذا القسـا طينـه..!!!
صح لسانك مليارات.
والله يعطيك العافيه.نص شعري جميل جدا وليس غريب على مبدع كخالد الردادي.
لك مني كل التقدير والاحترام.
تحياتي لك.
اخوك
الخاطر

[ملكة الشموخ]

شموخ

ينسكب من ثغر القلم

يكتب على كف الورق

فضلت الصمت لعله يعبر عما يجيش بخاطري

صح نبضك وسلم بوحك الراقي

[خالد الردادي]

يعطيكم العافية وماقصرتم على هالمرور الطيب