الـمــــديـــنـــــه

[الخاطر]

السلام عليكم ورحمة الله وبركاته
مشاركه من احدى كتاباتي اتمنى ان تنال على اعجابكم ولكم كل التقدير والاحترام.

شفت المدينه عقب ماهي مدينه=سكانها وانوارها والمباني
شفت الطريق اللي يساره يمينه=ورد روى من ضحكتك والمثاني
شفت الشوارع والزحام وسنينه=شفت البشر وعيونهم والسواني
شفت الطوال النايفات الثمينه=شفت المراكب بالبحر والمواني
شفت الشجر وشلون قد مال تينه=وارخى غصونه بالثمر ثم لاني
شفت الفرح يومن تشيله يدينه=ويجيك عاني قبله الشوق عاني
وهاك المكان المحتضنا بعينه=يوم الحجر ينطق بصدق المعاني
وتغريد ذاك الطير من فوق كينه=ماكنه الا قاعد في مكاني
غنىً مشاعر في خفوقي كمينه=ياما عجز عن وصفها له لساني
قال اعشقك واهواك والدمع حينه=كنه مثل وبل السحايب غشاني
بلل رموشى بالدموع وانينه=ونًه سمعها كل قاصي وداني
يومن تنهًد يوه الله يعينه=الله وكيلك لاطبقن المحاني
ضاقت وضاقت دنيتي من حنينه=وانا لك الله ضايق من زماني
احيان اقول اني ملكته رهينه=واحيان اقول اني خسرت الرهاني
واحيان اقول انه ملكني بزينه=واقول ياحمد توه الوقت زاني
وانسى جروح في حشايا دفينه=كله لاجل عين اللذي قد هواني
وفجأه وانا بيني وبيني وبينه=شفت المشاعر كل ابوها تعاني
وشفت المدينه عقب ماهي مدينه=صارت ظلام اتهدمن المباني
شفت الشوارع والهدايا حزينه=وشفت الشجر يبكي على مااتاني
لحظه بعيني بس من دون عينه=لحظه لانه غاب عني ثواني

[هـيـبـة مـلـك]

الخاطر ,, وحضور اكثر من قوي وقصيدهـ تستحق الإشادهـ


(( تستحق التثبيت لروعتها ))

[حَبر في ثلج]

وانسى جـروح فـي حشايـا دفينـه
كله لاجل عيـن اللـذي قـد هوانـي
وفجـأه وانـا بينـي وبينـي وبيـنـه
شفت المشاعـر كـل ابوهـا تعانـي
الله واكبر
صح لسانك وصح لسانك اي والله يالخاطر

قصيده رائعه
الشكر لايكفي بحقها

تستحق التميز اضافه لما سبقها من التثبيت
واستاذن شموخك اخي الكريم ليكون هذا المتصفح الشقي
في مجلتنا منهُ نسخه .. لكي نفخر بهآ
ولك الشكر

[الخاطر]

فيصل الكردي.
اسعدني كثيرا مرورك الذي اعتز به لك مني كل الشكر والاحترام لشخصك الكريم.
تحياتي لك
الخاطر

[الخاطر]

اخي العزيز ملك قد هلك.
كل الشكر لك انت اخي الفاضل لمروك العذب واطرائك الجميل الذي اتمنى ان يكون في محله.
اسعدتني وابهجتني كلماتك لك مني خالص التقدير والاحترام.
شكرا لك شكرا لك اخي الكريم.
تحياتي لك
اخوك الخاطر

[فواز البراهيم]

قصيدة جميلة صح لسانك وفالك التوفيق انشاالله

[الخاطر]

اخي الفاضل فوز الابراهيم.
الاجمل هو حضورك ومرورك الكريم.
لك مني كل الشكر والتقدير.
اخوك
الخاطر

[النايفه]

صح السانك ياالخاطر قصيده في قمة الروعه يعطيك العافيه

[الخاطر]

اختي الفاضله.
النايفه.
صح بدنك والاروع هو مرورك العذب والعطر.
تحياتي لك
الخاطر